निर्वाचन आयोगको सत्ता गठबन्धनसँग साँठगाँठ देखियो : अध्यक्ष ओली

काठमाडौँ । प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले आयोगले सत्ता गठबन्धनसँग साँठगाठ गरेको आरोप लगाएका छन्  ।
आज काठमाडौंमा बसेको एमाले स्थायी कमिटी बैठकको बोल्दै अध्यक्ष ओलीले मतपत्रको रङसम्बन्धी आयोगको निर्णयप्रति आक्रोश व्यक्त गरेका हुन् ।

“रङ फेर्ने निर्णय सच्याउनुपर्छ,” उनले भने । ओलीले मतपत्रको रङ हरियो राख्ने आयोगको निर्णयप्रति पटक–पटक आपत्ति जनाउँदै आएका छन् । बैठकमा उनले चिनियाँ विदेशमन्त्री वाङ यीसित भएको भेटवार्ताका विषय जानकारी पनि गराएका थिए ।