काठमाडौं । बाढी प्रभावितको राहतका लागि पाकिस्तानले अन्तर्राष्ट्रिय समुदायलाई गुहारेको छ ।
पाकिस्तानका आन्तरिक मामिलामन्त्री सलमान सुफीले अमेरिका, वेलायत र यूएईले सहयोग गरिरहेको, तर त्यो सहयोग प्रयाप्त नभएको भन्दै थप सहयोग मागेका हुन् ।
पाकिस्तान सरकारले बाढी प्रभावितको उद्धार र राहतका लागि सक्दो काम गरिरहेको पनि बताएका छन् । पछिल्लो ३ महिनामा बाढी र पहिरोबाट पाकिस्तानमा १ हजार बढीको मृत्यु भएको छ ।
पाकिस्तानले बाढी प्रभावित ६६ जिल्लालाई विपद् प्रभावित जिल्ला घोषणा गरेको छ । तीनदिनअघि उत्तर पश्चिमी पाकिस्तानको खैबर पख्तुनखवा प्रान्त भीषण बाढीबाट सबैभन्दा बढी प्रभावित भएको छ ।
