पाँचखपन । संखुवासभाको पाँचखपन नगरपालिका ७ बिहिबारे बजारमा हरितालिका तीजको अवसरमा हाजिरिजवाफ़ र नृत्य प्रतियोगिता सम्पन्न भएको छ ।
७ न वडा कार्यालयको मुख्य प्रायोजन र महिला संजालले आयोजना गरेको कार्यक्रममा नगरपालिकाका उपप्रमुख सुमुना श्रेष्ठले उत्घाटन गर्नु भएको थियो ।
कार्यक्रममा हाजिरिजवाफ प्रतियोगितातर्फ १३ ओटा र १० समूह नृत्य प्रतियोगितामा सहभागी भएका थिए । हाजिरिजवाफ प्रतियोगितामा प्रथम दितीय तृतीय र सान्त्वना क्रमश वस्नेत गाउँ टोल विकास संस्था, सुशासन टोल विकास संस्था बिहिबारे, सिर्जनशील टोल विकास संस्था र चौरे कुमाले याम्फे टोलविकास संस्थाले हात पारेको थियो । त्यस्तै नृत्यतर्फ प्रथम, दितीय, तृतीय र सान्त्वना क्रमश बिनिशा बि.क., सृजन खाती, सृजन राई र करू परियारले हात पारेको कार्यक्रम संचालक राजेश बस्नेतले जानकारी दिनु भयो ।
कार्यक्रममा पाँचखपन नगरपालिका प्रमुख प्रशासकीय अधिकृत गणेशमान सिंह राई, वार्ड नम्बर ७ का वडा अध्यक्ष सन्तोष वस्नेत, कृषि सेवा शाखा प्रमुख भक्तबहादुर श्रेष्ठ र समाजसेवी मानबहादुर श्रेष्ठ लगायतको उपस्थिति रहेको थियो ।
