संखुवासभाको पाँचखपन नगरपालिकाबाट भरुवा बन्दुक सहित एक जना पक्राउ परेका छन् । पक्राउ पर्नेमा पाँचखपन १ हाँडीखर्कका टेक बहादुर राई रहेका छन् । पुस २० गते वाना इलाका प्रहरी कार्यालयबाट खटिएको प्रहरी टोलीले राईको घर खानतलासी गर्ने क्रममा दुई सय ८६ ग्राम विष्फोटक पदार्थसहित लोड गरिराखेको एक थान भरुवा बन्दुक फेला पारेको थियो । सोही दिन राईलाई प्रहरीले नियन्त्रणमा लिएको थियो ।
उनलाई हातहतियार तथा खरखजना मुद्धा दर्ता गरी थप अनुसन्धान भईरहेको प्रहरीले जनाएको छ ।
