सेपाक ताक्रो संघ संखुवासभाको आयोजनामा कोशी प्रदेश स्तरीय सेपाक ताक्रो च्याम्पियनशिप २०८० हुने भएको छ । ट्रेक मकालु–सेभ रेड पाण्डा, प्ले मकालु भन्ने मुल नाराकासाथ आगामी वैशाख ६, ७ र ८ गते खाँदबारीको टुडीखेलमा प्रतियोगिता हुने आयोजकले आइतबार पत्रकार सम्मेलनमार्फत जानकारी दिएको हो । खुटाले खेलिने यो खेल प्रचारप्रसारका लागि ठूलो धनराशी खर्च गरेर सञ्चालन गर्न लागेको आयोजकले जनाएको छ । प्रतियोगितामा १४ जिल्लाका खेलाडी सहभागी हुनेछन् ।
खेलाडीलाई सम्पूर्ण खर्च व्यवस्थापन गरिएको आयेजकले जनाएको छ । प्रदेश खेलकुद विकास बोर्डको आर्थिक सहयोगमा सञ्चालन हुने यो प्रतियोगितामा राष्ट्रिय खेलाडीहरुको उपस्थिति रहेको छ । यस अघि सम्पन्न राष्ट्रिय खेलकुद प्रतियोगिता र बंगलादेशमा सम्पन्न साफ च्याम्पियनशिपमा नेपालको तर्फबाट सहभागी खेलाडीहरुमा संखुवासभालेसमेत सहभागिता जनाइसकेको छ ।
