नुम । मकालु गाउँपालिकामा जारी अन्तरपालिका स्तरीय पुरुष भलिबल प्रतियोगिताको तेस्रो खेलमा षढानन्द नगरपालिका विजयी भएको छ । मंगलबार आयोजक टिम द नर्थ वरुण युथ क्लवसँग भएको खेलमा षढानन्द नगरपालिकाले जित हात पारेको हो । वरुणलाई सोझो सेटमा हराउँदै षढानन्द विजयी भएको हो । यस पछीको खेल मकालु गाउँपालिका र सभापोखरी गाउँपालिकाबिच हुनेछ ।
प्रतियोगितात्मक कार्यक्रम पौष १९ गतेसम्म सञ्चालन हुनेछ । प्रतियोगितामा प्रथम, द्धीतीय, तृतीय र सान्त्वनालाई क्रमश एक लाख ६० हजार, ९४ हजार, ४४ हजार र २२ हजार रहेको छ । १९ गते साँझ राष्टिय ख्यातिप्राप्त कलाकार मिलन नेवारको साथमा सांगितिक कार्यक्रम हुनेछ ।
कार्यक्रम द नर्थ वरुण युथ क्लव मकालु ५ ले आयोजना गरेको हो । कार्यक्रमको प्रत्यक्ष प्रशारण हेर्ने चित्र फेसबुक पेज, मञ्जुश्री अनलाइन रेडियो सांग्रिलाबाट भइरहेको छ ।
