नुम । मकालु गाउँपालिकामा जारी अन्तरपालिका स्तरीय पुरुष भलिबल प्रतियोगिताको चौथो खेलमा सभापोखरी गाउँपालिका विजयी भएको छ । मंगलबार आयोजक टिम द नर्थ वरुण युथ क्लवसँग भएको खेलमा सभापोखरीले जित हात पारेको हो । वरुणलाई सोझो सेटमा हराउँदै सभापोखरी विजयी भएको हो । यस अघि आजै भएको खेलमा सभापोखरीले चैनपुर नगरपालिकालाई सोझो सेटमा हराउँदै आयोजकसँग प्रतिस्पर्धाको यात्रा तय गरेको थियो । सभापोखरी र आयोजक अन्तर्गतको खेल आजको अन्तिम प्रतियोगिता हो । भोलि बिहान ९ बजेबाट अन्य खेलहरु सञ्चालन हुनेछ ।
प्रतियोगितात्मक कार्यक्रम पौष १९ गतेसम्म सञ्चालन हुनेछ । प्रतियोगितामा प्रथम, द्धीतीय, तृतीय र सान्त्वनालाई क्रमश एक लाख ६० हजार, ९४ हजार, ४४ हजार र २२ हजार रहेको छ । १९ गते साँझ राष्टिय ख्यातिप्राप्त कलाकार मिलन नेवारको साथमा सांगितिक कार्यक्रम हुनेछ ।
कार्यक्रम द नर्थ वरुण युथ क्लव मकालु ५ ले आयोजना गरेको हो ।
