नुम । मकालु गाउँपालिकामा जारी अन्तरपालिका स्तरीय पुरुष भलिबल प्रतियोगिताको सातौं तथा सेमी फाइनलको खेलमा सभापोखरी गाउँपलिका विजयी भएको छ । मकालु गाउँपलिकासँग भएको खेलमा सभापोखरीले जित हात पारेको हो । मकालुलाई सोझो तीन सेटमा हराउँदै सभापोखरी विजयी भएको हो । सेमी फाइनलका सबै खेलहरु बेस्टअप फाइभमा खेलाइनेछ । यी दुई ओटै टिम प्रतिस्पर्धाको हिसाबले दरिलो मानिन्छ । यसपछीको अर्को खेल षढानन्द नगरपालिका र खाँदबारी नगरपालिकाबिच हुनेछ ।
प्रतियोगितात्मक कार्यक्रम भोलिसम्म सञ्चालन हुनेछ । प्रतियोगितामा प्रथम, द्धीतीय, तृतीय र सान्त्वनालाई क्रमश एक लाख ६० हजार, ९४ हजार, ४४ हजार र २२ हजार रहेको छ । १९ गते साँझ राष्टिय ख्यातिप्राप्त कलाकार मिलन नेवारको साथमा सांगितिक कार्यक्रम हुनेछ ।
कार्यक्रम द नर्थ वरुण युथ क्लव मकालु ५ ले आयोजना गरेको हो । कार्यक्रमको प्रत्यक्ष प्रसारण रेडियो सांग्रिला, मञ्जुश्री अनलाइन र हेर्ने चित्रको फेसबुक पेजबाट भइरहेको छ ।
