नुम । मकालु गाउँपालिकामा जारी अन्तरपालिका स्तरीय पुरुष भलिबल प्रतियोगिताको आठौं तथा सेमी फाइनलको खेलमा षडानन्द नगरपालिका विजयी भएको छ । खाँदबारीसँग भएको खेलमा षडानन्दले जित हात पारेको हो । खाँदबारीलाई सोझो तीन सेटमा हराउँदै षडानन्द विजयी भएको हो । सेमी फाइनलका सबै खेलहरु बेस्टअप फाइभमा खेलाइनेछ । भोलीको खेल बिहान नौं बजे सुरु हुनेछ ।
प्रतियोगितात्मक कार्यक्रम भोलिसम्म सञ्चालन हुनेछ । प्रतियोगितामा प्रथम, द्धीतीय, तृतीय र सान्त्वनालाई क्रमश एक लाख ६० हजार, ९४ हजार, ४४ हजार र २२ हजार रहेको छ । भोली साँझ राष्टिय ख्यातिप्राप्त कलाकार मिलन नेवारको साथमा सांगितिक कार्यक्रम हुनेछ ।
कार्यक्रम द नर्थ वरुण युथ क्लव मकालु ५ ले आयोजना गरेको हो ।
