नुम । मकालु गाउँपालिकामा जारी अन्तरपालिका स्तरीय पुरुष भलिबल प्रतियोगिताको फाइनल खेल षडानन्द नगरपालिका र सभापोखरी गाउँपलिकाबिच हुनेछ । कार्यक्रमको अन्तिम दिन आज फाइनलका लागि यी दुई टिम प्रतिस्पर्धा गर्दैछ ।
प्रतियोगिता पौ १६ गते सुरु भएको थियो । प्रथम स्थानका लागि हुने यो प्रतिस्पार्धा सशक्त रहने अनुमान लाउन सकिन्छ ।
बिहिबार तेस्रो स्थानको लागि सम्पन्न खेलमा खाँदबारी नगरपालिकालाई सोझो सेटमा हराउँदै आयोजक मकालु गाउँपालिकाले तेस्रो स्थान हासिल गरेको छ भने खाँदबारीले सान्वनामा चित्त बुझाएको छ । तेस्रो स्थानको लागि मकालु र खाँदबारी आमने सामने भएको थियो । योसंगै मकालुले नगद पुरस्कार ४४ हजार र खाँदबारीले २२ हजार ट्रफि, मेडल र प्रमाणपत्र प्राप्त गरेको छ ।
प्रतियोगितामा प्रथम र द्धीतीय स्थान हासिल गर्ने टिमले एक लाख ६० हजार र ९४ हजार प्राप्त गर्नेछ । आजको कार्यक्रममा मकालु गाउँपलिका क्षेत्रमा महत्वपूर्ण योगदान गर्नेहरुलाई समेत आज सम्मान गरीदैछ । आजै साँझ राष्टिय ख्यातिप्राप्त कलाकार मिलन नेवारको साथमा स्थानीय कलाकारहरुको सांगितिक प्रस्तुति रहनेछ । यससंगै द नर्थ वरुण युथ क्लवले आयेजना गरेको चार दिवसीय संस्कृति संरक्षण, पर्यटन प्रवद्र्धन तथा विषेश सम्मान कार्यक्रम एवम् अन्तर पालिका स्तरीय पुरुष भलिबल प्रतियोगिता सम्पन्न हुनेछ ।
कार्यक्रमको प्रत्यक्ष प्रसारण रेडियो सांग्रिला, मञ्जुश्री अनलाइन र हेर्ने चित्रको फेसबुक पेजबाट भइरहेको छ ।
