पाँचखपनमा आजबाट रुद्राक्ष कप फुटबल सुरु हुने भएको छ । खप्टुवा युवा क्लवको आयोजनामा वडा नं. ४ को खप्टुवा खेल मैदानमा प्रतियोगिता हुने भएको हो । प्रतियोगिताका लागि २० टिमको सहभागिता रहेको छ । आजको पहिलो खेलमा आयोजक बी र साल बिसौनी युवा क्लव खाँदबारी ९ बिच प्रतिस्पर्धा हुने छ । तीन वर्षीय रनिङ कप अन्तर्गत यो अन्तिम वर्ष हो । २०७८ मा जन कल्याण युवा क्लव पाँचखपन १ ओक्तेन र गत वर्ष दानाबारी युवा क्लव पाँचखपन ४ प्रथम भएको थियो ।
प्रतियोगितामा प्रथम हुने टिमले नगद रु ५१ हजार १ सय १० र तीन वर्षे रनिङ शिल्ड, द्धीतीयले ३१ हजार १ यस १० र शिल्ड, तृतीयले १० हजार १ सय ५ र सान्त्वनाले १० हजार १ सय ५ साथमा मेडल र प्रमाणपत्र प्राप्त गर्ने क्लवका सचिव दिनेश तिवारीले बताउनु भयो ।
प्रतियोगितामाघ ७ गते समापन हुने छ । प्रतियोगिताका सम्पूर्ण खेलहरु हेर्ने चित्रको फेसबुक पेजबाट प्रत्यक्ष प्रशारण गरिनेछ ।
