संखुवासभाको मकालु गाउँपालिकामा सञ्चालित स्थानीय तह राष्ट्रपति रनिङशिल्ड प्रतियोगितामा सिंहेश्वरी माध्यमिक विद्यालय नुम प्रथम भएको छ । वडा नं २ सेदुवा स्थित हेमाद्री माध्यमिक विधालयमा भएको प्रतियोगितामा सिंहेश्वरी प्रथम भएको हो । ९ गते देखि जारी प्रतियोगितामा सिंहेश्वरी माविले १० स्वर्ण, १० रजत र १० कास्य गरी ३० पदक सहित प्रथम, हेमाद्री मावि सेदुवाले ९ स्वर्ण, १० रजत र ८ कास्य गरि २७ पदक सहित द्वितीय र हिमालय मावि हेदाङनाले ९ स्वर्ण, ८ रजत र १० कास्य गरि २७ पदक सहित तृतीय स्थान हासिल गरेको शिक्षा शाखा प्रमुख पुस्प बहादुर तामाङले बताउनु भयो ।
प्रतियोगितामा २८ वटा खेलकुद विधामा मकालु गाउँपालिका भित्रका ३ माध्यमिक विद्यालयहरूको प्रतिस्पर्धा रहेको थियो । प्रतियोगिता बिहिबार सम्पन्न भएको हो ।
