तामाङ समुदायको महान् पर्व सोनाम् ल्होसारको अवसरमा भोटखोला गाउँपालिकाको वडा नं. ५ राप्सामा सांस्कृतिक कार्यक्रम तथा भलिबल प्रतियोगिता सुरु भएको छ । मञ्जुश्री सम्बत् २८६० (डुक ल्हो) सोनाम ल्होसारको अवसरमा राप्साली नव ज्योति युवा क्लव र नेपाल तामाङ घेदुङ भोटखोला गाउँ कमिटीद्धारा कार्यक्रमको आयोजना गरिएको हो । सोमबार सुरु गरिएको कार्यक्रममा भलिबल प्रतियोगितातर्फ पन्ध्र टिमको सहभागिता रहेको छ भने सांस्कृतिक ्तियोगितातर्फ ३५ समूहको सहभागिता रहेको आयोजकले जनाएको छ ।
भलिबल प्रतियोगितामा विजयी हासिल गर्ने प्रथम टिमले ६० हजार, दीतीयले ४० हजार, तृतीयले २० हजार र सान्त्वनाले १० हजार साथमा मेडल तथा प्रमाणपत्र प्राप्त गर्नेछन् । यस्तै नृत्य तथा सांस्कृतिक कार्यक्रमतर्फ प्रथम हुनेले १० हजार, द्धीतीय हुनेले ७ हजार, तृतीयले ५ हजार र सान्त्वनाले ३ हजार साथमा प्रमाणपत्र प्राप्त गर्नेछन् । कार्यक्रम २६ गते समापन हुने आयोजकले जनाएको छ ।
