स्पेनिस ला लिगा फुटबलमा बार्सिलोनाले भिल्लारियललाई हराएको छ । भिल्लारियलको घरेलु मैदान सिरामिका स्टेडियममा गएराति भएको खेलमा बार्सिलोनाले भिल्लारियललाई ५–१ गोलले हराएको हो ।
बार्सिलोनाको यो छैटौँ जीत हो । जीतपछि शीर्ष स्थानको बार्सिलोनाको ६ खेलबाट १८ अङ्क पुगेको छ । समान खेलबाट ११ अङ्क जोडेको भिल्लारियल भने पाँचौँ स्थानमा छ । उसको यो दोस्रो हार हो । बार्सिलोनाको जीतमा रोवर्ट लेवान्डोस्कीले खेलको २० औँ मिनेटमा गोल गर्दै सुरुआती अग्रता दिलाएका थिए । त्यसको १५ मिनेटपछि उनले अग्रता दोब्बर बनाए ।
यस्तै बार्सिलोनाका लागि पाब्लो टोरेले १ र राफिन्हाले २ गोल थपे । खेलको ३८औँ मिनेटमा अयोज परेजले गोल एक गोल फर्काउनु बाहेक भिल्लारियलले अरु कुनै गोल गर्न सकेन । स्पेनिस ला लिगा फुटबलमा बार्सिलोनाले भिल्लारियललाई हराएको छ ।
यस्तै गएरातिको अर्को खेलमा रायो भालेकानो र एथ्लेटीको मड्रिडले १–१ गोलको बराबरी खेलेका छन् ।
