काठमाण्डाै । हिजो रसुवाकाे भोटेकोशी नदी हुँदै आएको बाढीमा परेर ज्यान गुमाउनेको सङ्ख्या २७० जना पुगेको छ । नेपाल प्रहरीका अनुसार आज दिउँसोसम्म विभिन्न जिल्लामा ती शव भेटिएका हुन् । सबैभन्दा धेरै चितवनमा १०८ जनाको शव भेटिएको छ ।
यस्तै नवलपरासी पूर्वमा ६२, धादिङमा २७, गोरखामा २०, रसुवामा १७, नवलपरासी पश्चिममा १५, नुवाकोटमा १२ र तनुहँमा ९ वटा शव भेटिएका छन् ।
यस्तै बाढीमा परेर घाइते भएका ५२ जनाको काठमाण्डौका विभिन्न अस्पतालमा उपचार भइरहेको छ । त्रिवि शिक्षण अस्पतालमा २६, राष्ट्रिय ट्रमा सेन्टरमा २०, वीर अस्पतालमा, नर्भिक अस्पतालमा २, वीरेन्द्र सैनिक अस्पतालमा १ र मनमोहन अस्पतालमा १ जनाको उपचार भइरहेको छ । प्रहरीका अनुसार १४ जना उपचारपछि घर फर्किएका छन् ।
बाढीपछिको उद्धारमा ४ हजार ५० जना प्रहरी परिचालन भएका छन् । यस्तै रसुवामा आएको बाढीका कारण प्रभावित ३३६ जनाको हवाई उद्धार गरेको नेपाली सेनाले जनाएको छ ।
झन्डै ४ हजार जना सैनिकको समन्वयमा घाइतेको खोज तथा उद्धार, आपत्कालीन उपचार र राहत वितरणको काम भइरहेको नेपाली सेनाका प्रवक्ता राजाराम बस्नेतले बताउनुभएकाे छ ।
प्रतिक्रिया दिनुहोस्