भोजपुरको साल्पासिलिछो गाउँपालिका वडा नं. १ मा रहेको कुलुङ बहुमुखी क्याम्पसले आयोजना गरेको श्रीमद्भागवत सप्ताह ज्ञान महायज्ञमा साढे ५५ लाख बढी रकम संकलन भएको छ । फागुन २१ गते देखि सुरु भएको सप्ताह ज्ञान महायज्ञ मंगलबार सम्पन्न भएको हो । महायज्ञमा ५५ लाख ७३ हजार २ सय ४६ रुपैयाँ रकम संकलन भएको आयोजकले जनाएको छ ।
कुलुङ बहुमुखी क्याम्पसको शैक्षिक व्यवस्थापनका लागि श्रीमद् भागवत सप्ताह ज्ञान महायज्ञ सञ्चालन गरिएको थियो । यूवा पण्डित रमेश कोइरालाको प्रमुख वाचन तथा बासुदेव खनालको उपवाचननमा महायज्ञ क्याम्पसको प्रांगणमा सञ्चालन भएको थियो ।
आयोजकले दाताहरुलाई विभिन्न शिर्षकमा सम्मान गरेको थियो । कार्यक्रमको हेर्ने चित्र फेसबुक पेजबाट लाइभ प्रशारण गरिएको थियो ।
