संखुवासभाको मकालु गाउँपालिकाका ६ ओटा वडाहरु मध्ये ४ ओटा वडाहरुलाई पुर्ण खोप सुनिश्चितता तथा दिगोपना घोषणा गरिएको छ । वडा नं. १, २, ३ र ५ लाई पूर्ण खोप सुनिश्चितता घोषणा गरिएको हो । वडा खोप समन्वय समितिको आयोजनामा पुर्ण खोप सुनिश्चितता घोषणा गरिएको हो । वडा नं. ४ र ६ मा केहि दिनमा नै कार्यक्रम हुने स्वास्थ्य शाखा प्रमुख छिङदोजी लामाले बताउनु भयो ।
आर्थिक वर्ष २०८१/०८२ मा पूर्ण खोप प्राप्त गर्ने १६ देखि ५९ महिनासम्मका र नियमित खोप पाइरहेका बालबालिकाहरुको तथ्यांकलाई आधार मानेर कार्यक्रम घोषणा गरिएको हो ।
कार्यक्रममा स्वास्थ्य स्वमंसेविका, स्वास्थ्यकर्मीहरु र जनप्रतिनिधिहरुको उपस्थिति रहेको थियो । सम्पूर्ण वडाहरुको घोषणा कार्यक्रम सकिएपछी मकालु गाउँपालिका पुर्ण खोप सुनिश्चितता तथा दिगोपना घोषणा गरिने छ ।
