काठमाण्डौ । राष्ट्रिय प्रजातन्त्र पार्टी(राप्रपा) ले नेपालको भूमि लिम्पियाधुरा र लिपुलेकबारे संयुक्त राष्ट्रसङ्घमा कुरा उठाउन माग गरेको छ ।
प्रतिनिधिसभाको आजको बैठकमा आकस्मिक समयमा राप्रपाका प्रमुख सचेतक ज्ञानबहादुर शाहीले भारत र चीनबीच नेपालको भूमिलाई समेटेर गरिएको व्यापार सम्झौताका विषयमा सदस्यको हैसियतमा राष्ट्रसङ्घमा कुरा उठाउन माग गर्नुभयो ।
यस्तै रास्वपाका सांसद गणेश पराजुलीले सदनबाट राष्ट्रियताको सन्दर्भमा साझा अवधारणा बनाउनुपर्ने माग गर्नुभएको छ । बैठकमा आकस्मिक समयमा बोल्दै सांसद पराजुलीले सन् १८१६ को सुगौली सन्धिबाट नै नेपालको पश्चिमी सीमा काली नदी ठहरिएको ऐतिहासिक तथ्य कुनै विवादको विषय बन्न नसक्ने बताउनुभयो ।
