धर्ना, जुलुस गर्नुअघि वार्ताबाट समाधान खोज्न गृह मन्त्रालयको आग्रह

काठमाण्डौ । गृह मन्त्रालयले धर्ना जुलुस लगायतका कार्यक्रम गर्नु अगाडि वार्ता र संवादका माध्यमबाट समस्याको समाधान गर्नेतर्फ अग्रसर हुन आग्रह गरेको छ । हिजो मन्त्रालयले विज्ञप्ति निकालेर नागरिकका चासो, सरोकार र मागलाई गम्भीरतापूर्वक वार्ता एवम् छलफलमार्फत समाधान गर्न सरकार सधैं सकारात्मक रहेको भन्दै धर्ना जुलुसअघि संवादमा आउन आग्रह गरेको हो ।

धर्ना, जुलुसलगायत विरोधका कार्यक्रमहरू गर्नुपर्दा सभ्य, मर्यादित र शान्तिपूर्ण बनाउन समेत मन्त्रालयले अपिल गरेको छ । आउँदो फागुन २१ गतेका लागि तय भएको चुनावको वातावरण तयार गर्नेतर्फ सरकार क्रियाशील रहेको पनि गृह मन्त्रालयले जनाएको छ ।