खाँदबारी । संखुवासभाको खाँदबारीमा ३० वर्ष माथिका खेलाडीहरू सहभागी ‘भेट्रान्स फुटसल प्रतियोगिता’ उत्साहजनक रूपमा सम्पन्न भएको छ। फुटसल खेलको विकास, शारीरिक स्वास्थ्य र पुराना साथीभाइबीचको सम्बन्धलाई थप प्रगाढ बनाउने उद्देश्यले आयोजित उक्त प्रतियोगिताको उपाधि ‘६ एम ग्रुप’ (6 AM group) ले चुमेको छ।
अत्यन्तै प्रतिस्पर्धात्मक र रमाइलो बनेको फाइनल खेलमा उपविजेता बनेको ‘गुड ब्वाई क्लब’ (group boy club) लाई पछि पार्दै ६ एम ग्रुपले जित हासिल गरेको हो ।
प्रतियोगितामा प्रथम हुने ६ एम ग्रुपलाई १७ केजी बराबरको खसी पुरस्कार स्वरूप प्रदान गरियो। यस प्रतियोगितामा विजेतालाई मात्र मुख्य पुरस्कारको व्यवस्था गरिएको थियो भने उपविजेता टोलीलाई कुनै औपचारिक पुरस्कार राखिएको थिएन।
खेलका बारेमा जानकारी दिँदै स्थानीय खेलप्रेमी राजन भट्टराईले प्रतियोगिता निकै आकर्षक र सफल भएको बताउनुभयो । ३० वर्ष उमेर नाघेका खेलाडीहरूको जोस र जाँगरले खेल मैदानमा छुट्टै रौनक ल्याएको थियो। खेल समापनपछि सहभागी खेलाडीहरूले यस्ता प्रतियोगिताले स्वास्थ्य र मनोरञ्जन दुवै दिने भन्दै आगामी दिनमा पनि यस्ता खेलहरू आयोजना गर्न आयोजकलाई विशेष हौसला प्रदान गरेका छन्।
