अमेरिकी विदेशमन्त्री मार्को रुबियोले इरानलाई कहिल्यै पनि आणविक हतियार राख्न नदिइने बताउनुभएको छ । जर्मनीको म्युनिखमा भएको ब्लूमबर्गसँगको अन्तर्वार्तामा विदेशमन्त्री रुबियोले अमेरिका, युरोप, मध्यपूर्व क्षेत्र र विश्व शान्तिका लागि इरान खतरा रहेको टिप्पणी गर्नुभएको बीबीसीले जनाएको छ । उहाँ सुरक्षा सम्मेलनमा भाग लिन म्युनिख पुग्नुभएको हो ।
मार्को रुबियोले मध्यपूर्वमा अमेरिकाका सहयोगीहरू रहेको र त्यहाँ अमेरिकी सैन्य अड्डाहरू पनि रहेका बताउनुभयो । इरानको कुनै गल्तीका कारण ठूलो द्वन्द्व नहोस् भनेर यस क्षेत्रमा अमेरिकाले आफ्नो सैन्य उपस्थिति कायम राख्न चाहेको उहाँको भनाइ छ । इरानले यस क्षेत्रमा रहेका अमेरिकी अड्डाहरूलाई लक्षित गर्न उत्सुकता देखाउको उहाँले दाबी गर्नुभयो ।
अमेरिकी राष्ट्रपति डोनाल्ड ट्रम्पले आफ्नो प्राथमिकता इरानसँग सम्झौता गर्नु रहेको स्पष्ट पार्नुभएको विदेशमन्त्री रुबियोलाई उद्धृत गर्दै खबरमा उल्लेख छ ।
