पाकिस्तानले गरेको हवाई आक्रमणबाट कम्तीमा २० जनाको ज्यान गएको अफगानिस्तानले जनाएको छ । यसअघि पाकिस्तानले पाकिस्तान–अफगानिस्तान सीमा क्षेत्रमा रहेका सात आतंकवादी शिविरमा हवाई आक्रमण गरेको जानकारी गराएको थियो ।
अफगानिस्तानको तालिबान सरकारले आक्रमणमा महिला र बालबालिका मारिएको दाबी गरेको छ । तालिबानले पाकिस्तानी आक्रमणविरुद्ध जवाफी कारबाही गर्ने चेतावनी दिएको बीबीसीले जनाएको छ । तालिबान सरकारको रक्षा मन्त्रालयले निकालेको विज्ञप्तिमा नङ्गरहार र पक्तिका प्रान्तको ’नागरिक इलाका’मा आक्रमण गरेको उल्लेख छ ।
पाकिस्तानले यो कारबाही हालै आफ्नो देशमा भएको आत्मघाती आक्रमणको जवाफमा भएको बताएको छ । अफगानिस्तानको तालिबान सरकारलाई कैयौंपटक ती आतंकवादी समूहविरुद्ध कारबाही गर्न आग्रह गरेको तर त्यसमा केही पनि नगरेको कारण आफैले कारबाही गरेको पाकिस्तानको दाबी छ ।
दुई हप्ताअघि इस्लामाबादको एक शिया मस्जिदमा भएको आत्मघाती विस्फोटमा कम्तीमा ४० जनाको ज्यान गएको थियो भने एक सय ६० जनाभन्दा बढी घाइते भएका थिए । सन् २०२१ मा तालिबानले अफगानिस्तानको सत्ता पुनः नियन्त्रणमा लिएपछि दुई देशबीचको सम्बन्ध निरन्तर तनावपूर्ण रहँदै आएको छ ।
अफगानिस्तानमा संयुक्त राष्ट्रसङ्घीय मिसनका अनुसार पाकिस्तानी सैन्य कारबाहीका कारण अक्टोबरदेखि डिसेम्बरसम्म ७० अफगान सर्वसाधारण मारिएका थिए । ख
