युएईमा इरानले गरेको आक्रमणपछि त्यहाँको हवाई प्रतिरक्षा प्रणालीले नष्ट पार्दै गरेको तस्बिर तथा भिडिओ खिचेर सार्वजनिक गर्नेलाई युएईले पक्राउ गर्न थालेको छ । यसअघि युएई सरकार र त्यहाँको सुरक्षा निकायले भिडियो नखिच्न, सार्वजनिक नगर्न र कानुनको पालना गर्न सूचित गरेको थियो ।
अमेरिका र इजरायलले संयूक्त रुपमा इरानमा आक्रमण गरेपछि इरानले युएईसहित मध्यपूर्वी विभिन्न देशहरूमा रहेका अमेरिकी सैन्य अड्डाहरूलाई लक्ष्य गरेर ड्रोन र मिसाइल प्रहार गरिरहेको छ ।
त्यसको प्रतिकारका क्रममा तस्बीर र भिडिओ खिचेर सामाजिक सञ्जाल वा अन्य माध्यमबाट सार्वजनिक गर्नेक्रम बढेपछि युएईले त्यस्ता व्यक्तिलाई पक्राउ गर्न थालेको हो । युएईको प्रतिरक्षा प्रणालीले निस्तेज पारेको फोटो र भिडिओ सार्वजनिक गर्ने कम्तिमा १० जना पक्राउ परेका पछिल्लो विवरण रहेको बीबीसीले जनाएको छ । पक्राउ पर्नेहरूबारे थप विवरण खुलाइएको छैन ।
