नेपाल सरकारले २०८१ माघ २२ गते देखि २०८१ फागुन ७ गतेसम्म देशैभर एचपीभी खोप अभियान सञ्चालनको घोषणा गरी अभियान चलाइरहेको छ । यस अभियान अन्तर्गत पाठेघरको मुखको क्यान्सर विरुद्धको एचपिभि खोप अभियान मकालु गाँउपालिका अन्तरगतका विद्यालयहरुमा अध्ययनरत कक्षा ६ देखि कक्षा १० सम्मका छात्राहरुलाई र विद्यालय नजाने १० देखि १४ बर्षसम्मका किशोरीहरुलाई दिइनेछ ।
मकालु गउँपालिका भित्र माघ २७ देखि अभियान सञ्चालन भएको छ । माघ १९ गतेसम्मको प्राप्त विवरण अनुसार ५ सय १७ जनालाई खोप लगाई सकिएको छ । वडा नं. १ अन्तर्गत ११ जना, वडा नं. २ मा १ सय १३ जना, वडा नं.३ अन्तर्गत १ सय ५० जनालाई खोप दिइसकिएको छ । यस्तै वडा नं. ४ मा २८ जना, वडा नं. ५ मा १ सय ९४ जना र वडा नं. ६ मा ४२ जनालाई खोप लगाइएको मकालु स्वास्थ्य शाखा प्रमुख छिङ दोर्जि लामाले जानकारी दिनु भयो ।
माघ २७ गते ३ सय ३३ जनालाई, २८ गते १ सय ३६ जनालाई र माघ २९ गते ४८ जनालाई खोप लगाइको हो ।
