काठमाण्डौ । स्पेनिस ला लिगामा बार्सिलोनाले अपराजित यात्रा कायमै राखेको छ । गएराति भएको खेलमा बार्सिलोनाले गेटाफेलाई १–० ले हराएको छ ।
घरेलु मैदानमा भएको खेलमा बार्सिलोनाको जीतमा खेलको १९ औं मिनेटमा रोबर्ट लेवान्डोस्कीले गोल गरे । बार्सिलोनाले यो सिजनमा लगातार सातौं जीत निकालेको हो ।
सात खेलबाट २१ अङ्कसहित बार्सिलोना शीर्ष स्थानमा छ । समान खेलबाट १७ अङ्क जोडेको रियल म्याड्रिड दोस्रो स्थानमा छ । गेटाफे समान खेलबाट चार अङ्कका साथ १९ औं स्थानमा छ ।
यस्तै हिजो भएको अरू खेलमा गिरोना र रायोभालेकानोले गोलरहित बराबरी खेलेका छन् भने रियल मड्रिडले अल्भेसलाई ३–२ ले हराएको छ ।
