कञ्चनपुर । कञ्चनपुरमा आफैँले आफैँलाई गोली हानेका प्रहरी जवान वकिल विष्टको उपचारका क्रममा ज्यान गएको छ । जिल्ला प्रहरी कार्यालय कञ्चनपुरका प्रहरी नायब उपरीक्षक उमेशराज जोशीका अनुसार विष्टको उपचारका क्रममा हिजो कैलालीको निःशर्ग अस्पतालमा ज्यान गएको हो ।
गएको माघ ९ गते ड्युटीमा रहेका बेला विष्ट आफैँले आफैँलाई टाउकोमा गोली प्रहार गरेका थिए । घाइते विष्टलाई तत्काल उपचारका लागि महाकाली प्रादेशिक अस्पताल लगिएपनि त्यहाँ उपचार हुन नसकेपछि कैलालीको निःशर्ग अस्पतालमा भर्ना गरिएको थियो ।
