काठमाण्डौ । अमेरिकी राष्ट्रपति डोनाल्ड ट्रम्पले हर्मुज जलमार्ग हुँदै ढुवानी हुने सबै कार्गोमा २० प्रतिशत शुल्क लगाउने आफ्नो प्रस्ताव फिर्ता लिनुभएको छ । यो निर्णय अमेरिकाले इरानी बन्दरगाहमा नौसैनिक नाकाबन्दी पुनः शुरु गर्नुभन्दा केही घण्टाअघि आएको हो । ट्रम्पले शुल्क लगाउने योजनाको सट्टा खाडीका देशहरूसँग ठूलो व्यापार तथा लगानी सम्झौता गर्ने विकल्प रोजेको बताउनुभएको बीबीसीको खबरमा उल्लेख छ ।
यो निर्णय अमेरिका र इरानबीच पुनः शुरु भएको हवाई आक्रमणकाबीच आएको हो । बढ्दो तनावका कारण हर्मुज जलमार्ग भएर हुने तेल ट्याङ्करहरूको आवतजावत प्रभावित भएको छ । यस अभिव्यक्तिले अन्तर्राष्ट्रिय बजारमा कच्चा तेलको मूल्य पनि बढेको छ ।
ट्रम्पले आफ्नो सामाजिक सञ्जाल ट्रुथ सोसलमा २० प्रतिशत अमेरिकी शोधभर्ना शुल्कलाई विभिन्न खाडी राष्ट्रहरूले अमेरिकामा गर्ने व्यापार र लगानी सम्झौतामार्फत प्रतिस्थापन गर्ने निर्णय गरेको बताउनुभएको छ ।
ट्रम्पले हर्मुज जलमार्ग इरानबाहेक अन्य सबै जहाजहरूका लागि खुला रहेको दाबी गर्दै अमेरिकी सेनाको उपस्थितिका कारण तेल आपूर्ति निरन्तर रूपमा सहज हुने दाबी गर्नुभएको छ ।
